Skip to Content
  • 30. Mar 2011

    8045 er íslenskt tískumerki sem gerir hátísku herrafatnað.
    Bóas Kristjánsson aðalhönnuður stofnaði fyrirtækið 2008 og síðan þá hefur það vaxið og telur nú 5 starfsmenn.
    8045 hlaut nýverið hönnunarstyrk Auroru og mun nota þann styrk til að koma sér á framfæri á herratískuvikunni í París í júní 2011.

    Á laugardaginn munum við “forsýna” brot úr Vor/ Sumar 2012 línunni sem samanstendur af klæðskerasaumuðum jökkum, skyrtum og buxum úr fínasta hráefni, léttri ull, lífrænni bómull, hör og hampi.....

  • 22. Mar 2011

    Stefnumót rússneskra og íslenskra fatahönnuða verður í Norræna húsinu á HönnunarMars 26.mars.  Tilefnið er heimsókn rússsneskra fatahönnuða á HönnnarMars og samstarf vegna viðburðarins Nordic Look sem verður í St. Pétursborg í haustið 2011.

    Á málþinginu verða flutt erindi um rússneska fatahönnun í dag, markaðstækifæri í Rússlandi og um íslenska fatahönnun í dag auk þess verður sýning í sal Norræna hússins á rússneskri fatahönnun.


  • 22. Mar 2011

    Sýning Fatahönnunarfélags Íslands á HönnunarMars opnar föstudaginn 25. mars klukkan 10:00 á 101 Hótel.

    Á sýningunni má sjá myndbandsverk þar sem hönnun íslenskra fatahönnuða er í brennidepli, ásamt innsetningu þar sem klæðnaður úr myndbandinu verður til sýnis.

    Myndbandið er unnið í samstarfi við Saga Film og Inspired by Iceland og verður í framhaldi af HönnunarMars notað sem hluti af kynningarefni fyrir Ísland og íslenska fatahönnun.

    Sýningin stendur til 3. apríl.

  • 15. Mar 2011

    Eftir að tjöldin falla á síðustu tískusýningum Reykjavík Fashion Festival, sem haldin er nú á dögunum 31.03 - 03.04. mun PopUp -Farands Verzlunin - loka þessari hátíð, með stór glæsilegum markaði sunnudaginn 03.04.

    Þessi einstaka PopUp Verzlun opnar nú dyr sínar í fyrrum húsi gallery sautjáns að Laugavegi 91 og býður alla velkomna. Yfir þrjátíu Íslenskir fatahönnuðir munu kynna og selja nýjar -ásamt eldri vörum og gefa allt að 70 prósent afslátt.

FRÉTTIR