Skip to Content

Úthlutun úr Hönnunarsjóði Auroru

 

Næsta úthlutun úr Hönnunarsjóði Auroru fer fram í Nóvember 2012. Umsóknarfrestur til 17.september 2012 kl. 17:00.

Umsóknir skulu sendar inn rafrænt og útprentaðar. Hönnunarsjóður Auroru er opinn öllum hönnuðum og arkitektum. Ekki er notast við hefðbundin umsóknareyðublöð, en umsóknir skulu innihalda yfirlit yfir verkefnið, markmið þess og framtíðarsýn og grófa fjárhagsáætlun. Verkefnið skal auk þess hafa skilgreint upphaf og endi. Ekki er veittur styrkur til fjármögnunar á framleiðslu.

Hönnunarsjóðurinn hefur leitast við að styrkja framúrskarandi hönnuði með heilsteypta viðskiptahugmynd og skýra framtíðarsýn og hefur mótað sér þá stefnu að fylgja eftir völdum verkefnum þannig að sá árangur sem viðkomandi hönnuður stefnir að megi nást. Þannig hafa nokkrir aðilar ítrekað hlotið styrki úr sjóðnum.

Stjórn sjóðsins tekur ákvarðanir um allar úthlutanir með framkvæmdastjóra, en sérstakt fagráð fólks úr hönnunargeiranum og viðskiptalífinu er stjórn og framkvæmdastjóra til ráðgjafar eftir því sem þurfa þykir.

Framkvæmdastjóri veitir góðfúslega allar frekari upplýsingar og aðstoð við umsóknir. Allar umsóknir eru geymdar, en eldri umsóknir óskast endurnýjaðar ef ætlunin er að sækja um aftur. Umsóknir skulu sendar bæði rafrænt og útprentaðar ásamt sýnishornum eftir því sem tilefni er til í pósti eða koma með á skrifstofu Hönnunarsjóðsins í Vonarstræti 4b:

e-mail info@honnunarsjodur.is

Póstfang Hönnunarsjóður Auroru

Pósthólf 590

121 Reykjavík

s. 7721200