Skip to Content

Umsóknarfrestur nýskráninga

Umsóknarfrestur um nýskráningar fyrir næsta starfsár rennur út 31.ágúst 2012. Rafræna umsókn og nánari upplýsingar má finna hér.

Félagið

Fatahönnunarfélag Íslands er fagfélag fatahönnuða á Íslandi og er eigandi Hönnunarmiðstöðvar Íslands ásamt átta öðrum fagfélögum.

HönnunarMars

Félagið hefur tekið þátt í HönnunarMars frá upphafi með samsýningum þar sem úrval hönnunar félagsmanna er sýnd undir listrænni stjórn sýningarstjóra.

Fræðsla

Félagið stendur fyrir hinum ýmsu sýningum og fyrirlestrum með það að leiðarljósi að kynna íslenska fatahönnun, fræða almenning um fatahönnuði og þeirra starfsvettvang ásamt því að hvetja til faglegrar umræðu.

Indriðaverðlaunin

Verðlaunin eru veitt annað hvert ár þeim fatahönnuði sem þykir hafa skarað fram úr. Þau eru kennd við klæðskerann Indriða Guðmundsson, heitinn, sem þekktur var fyrst og fremst fyrir gæði og fagmennsku.

Veraldvefur

Félagið heldur úti heimasíðu þar sem finna má upplýsingar um félagsmenn og nálgast fréttir tengdar faginu. Á síðunni er einnig innri vefur þar sem félagsmenn geta nálgast upplýsingar um framleiðendur, efnasýningar og margt fleira. Á Facebook síðu félagsins er þeim sem hafa áhuga á íslenskri fatahönnun gefinn greiðari aðgangur að fréttum úr faginu en þar er einnig að finna lokaðan umræðuvef fyrir fatahönnuði.

Fríðindi

Fjöldi verslana og fyrirtækja veita félagsmönnum afslætti.

Uppskeruhátíð Fatahönnunarfélags Íslands

Haustið 2012 verður í fyrsta sinn haldin uppskeruhátíð félagsins, þar sem nýir félagsmenn verða boðnir velkomnir. Markmið uppskeruhátíðarinnar er að efla samheldni félagsmanna og skapa vettvang fyrir faglega umræðu.