Skip to Content

Uppskeruhátíð 2014

Fatahönnunarfélag Íslands mun halda sína árlegu Uppskeruhátíð föstudaginn 21. nóvember kl.17. Hátíðin er nú haldin í þriðja sinn og er markmið hennar að efla samheldni innan fagsins og skapa vettvang fyrir faglega umræðu.

Í ár er áhersla lögð á uppbyggingu tískufyrirtækja á Norrænum slóðum. Hinn sænski Roland Hjort, yfirhönnuður og eigandi fatamerkisins WHYRED, mun deila sinni miklu reynslu en fyrirtækið fagnar 15 ára starfsafmæli sínu í ár. Hin færeyska Barbara Í Gongini segir okkur sína sögu af stofnun og rekstri tískufyrirtækis á Norrænum slóðum. Einnig munu forsvarsmenn Nordic Fashion Association kynna þau verkefni og þjónustu sem samtökin hafa upp á að bjóða.

Þetta verður með veglegra móti í ár en hátíðin verður haldin á Hannesarholti á Grundarstígi 10 í miðbæ Reykjavíkur. Fyrirlestrar hefjast í fyrirlestrarsalnum um kl. 17 en að þeim loknum færum við okkur upp í kvöldverð og veislu fram eftir kvöldi.

Allir velkomnir!

Verð (matur og drykkur innifalinn):
Félagsmenn (sem greitt hafa félagsgjald 2014 eða fengu inngöngu 2014): 1000 kr
Fatahönnunarnemar LHÍ: 2600 kr
Almennt verð: 4300 kr

Takmarkaður fjöldi miða í boði, frestur til að kaupa miða er til og með 18. nóvember, en ekki verður hægt að greiða við inngang. Ástæða þess er sú að nauðsynlegt er að vita nákvæman fjölda gesta í kvöldmat.
Hægt er að kaupa miða fyrirfram með því að greiða inná reikning félagsins: 101-26-062410 kt: 641001-2950. Miðinn verður settur á nafn greiðanda nema annað komi fram.

Frekari upplýsingar má nálgast hjá verkefnastjóra hátíðarinnar, Sif Baldursdóttur, info@kyrja.com eða formanni FÍ, Laufeyju Jónsdóttur, laufeyja@gmail.com.